Vento

O RELOXO DE AREA

...

4

Chega un vento inocente 

como as xentes dun filme en branco e negro

Un vento limpo e terso 

que vén dalgún xardín onde o tempo 

non conta

Polo chan indefenso das rúas benqueridas 

xúntanse as follas murchas coas andainas e os soños 

O vento vén de lonxe 

Vén de antigas bisbarras 

ou de vellas culturas nunca 

ben precisadas e insubmisas

Eu sentía a saudade do meu reino no vento

Luz Pozo Garza: As arpas de Iwerddon. (Ed. Linteo. 2005)